前警員移英後受訪：香港警隊全亞洲最差

【前警員移英後受訪：香港警隊全亞洲最差】

一場反修例運動讓香港社會大變，警隊聲譽和警民關係跌至史無前例的谷底，難以短時間修補。本網訪問曾任職近10年，已離職及移民英國的前警員Ben，分享心路歷程和為何離開香港的決定。

●祖輩威海衛移民　雨傘前加入警隊

現年30多歲的Ben出身於警察世家，祖父是英國政府招募的山東威海衛移民，即外界所說的「魯警」。

他表示，加入警隊的初衷是家庭傳統和警察的使命感，「我自細因為屋企影響，覺得做警察好有使命感，可以幫到市民，維持治安。」

他形容，當時加入警隊時社會相對平靜，警民關係也較和睦，在最初派駐軍裝巡邏小隊的一年，他與一些街坊建立良好關係。但在2014年的雨傘運動後，一切再也不能回頭，

●憶七二一中聯辦示威　與民眾及記者關係轉差

Ben表示，改變他的是始於四年前初夏的反修例運動。當時他已經成為防暴隊的一個連的指揮官，最印象深刻的一次是2019年7月21日晚上的中聯辦示威。

當晚8點許，Ben帶領的一個連在西區警署一帶推進期間，曾經和示威者近距離發生衝突。

「我當時用大聲公同橫街班細路講咗一句，走啦！返屋企啦！唔好令警察難做！」然而，在Ben心中認為的好言相對，換來的是示威者的惡意回應，「有人鬧我哋係極權嘅幫兇，共產走狗。但當時我哋都只係打算驅散，冇再同佢哋爭論落去。」

「後尾我哋拉咗啲示威者，因為嗰時我啱做老豆半年，見到絕大部份被捕人士都係後生仔……我個心好痛。」這是Ben首次如此近距離接觸參與示威的年青人。

當晚，幾乎在同一時間發生元朗發生七二一白衣人襲擊事件，事後讓Ben感到非常無奈，更對身邊同袍的反應感到不解，「成班兄弟反應基本上一樣，有啲開心到喺架車係咁翻睇啲市民比白衣人打嘅片。有幾個極端嘅仲一路大笑，仲話唔應該用棍，要用殺他死去殺滅『曱甴』。」

而最令他感到氣憤的是出現警員與白衣人握手及八鄉指揮官和記者對罵的一幕，「警黑合作就係咁嚟，比記者影到握手嗰段真係水洗都唔清。其實八鄉班兄弟遲大到已經離譜，恐嚇港台記者嗰件光頭仲核突。我完全唔覺得我哋做到政治中立同為民服務呢啲操守囉！大佬，被班黑社會打嗰啲好多都係路過嘅居民，根本同示威無關。」

「我經歷721之後已經知道場運動只會越演越烈。如果嗰日我哋真係喺元朗秉公辦理，喺南邊圍拉班黑社會，就唔會搞到民怨四起，令示威惡化落去。」正如Ben所料，情況急轉直下。是的，除了警民關係惡化，連警記關係不復存在。

提到警記關係，他憶起收看元朗721三週月新聞直播時，有數名記者因為整晚被個別警員惡意以『黑記』稱呼，雙方發生激烈口角，有警員更激動到爆粗。最後需要另一個連的警員到場將雙方隔開，罵戰才得以終止，「但我諗深一層，如果唔係記者啲直播住私了，我哋可以咁快到現場救人？」

●八三一成辭職關鍵　不解西灣河開槍警決定

七二一事件後，Ben也曾處理過「八五三罷」等重大示威。心力交猝的他漸漸覺得警察這份工作，在最前線非旦不能服務和保障市民安全，更被政府利用成為與市民之間的磨心，淪為打壓異見的工具，「政治問題係要政治解決，政府無能，又話唔到事要等中國政府意思。警隊高層就係一味執意要將我哋推出去『送死』。好啦！去到後尾雙方都搞出人命（周梓樂墮樓事件），呢個仇恨永遠解唔開。」

Ben越說越氣憤，但最令他決意離開警隊的是「八三一」事件，「衝入去太子站見人就打，同班元朗白衣人有咩分別？根本就純屬發泄。事發後又唔肯公開CCTV搞到謠言滿天飛。點解？因為肯定喺站內用晒啲違反警例嘅嘢對待被捕人士。呢單嘢之後我覺得著住件制服好羞恥，做左巿民心中既過街老鼠，人見人憎！」

除了不滿警隊的惡行，妻子也是令他離職的關鍵，「我太太係『深黃』，我知佢一定會出去遊行。佢係一個拒絕暴力嘅人，但都可以喺上水合法遊行期間中椒。嗰下我知道，屋企人係最重要。你個政府出幾多OT錢都無用，你叫我點面對我屋企人？」

最終，在「八三一事件」後約半年，Ben與妻子商討後決定離職，並在去年年初帶同家人移民英國，「我因為老豆有居英權嘅關係，我直接用BC（英國公民護照）移民英國。共產黨咁樣搞香港，已經無得返轉頭，我唔想仔女喺呢啲極權環境下成長，我喺警隊幾高人工都無用，呢啲係錢買唔到。」

被問到為何不在「八三一」事件發生後即時離職。Ben表示，相對封閉的警察圈子，有小道消息很快會街知巷問，加上他較為年輕，如在事發後即將離職，很容易會被人猜到自己離職的真正原因，令身邊人受牽連。

然而，Ben也承認主因之一是OT的薪金實在是非常吸引，「我認自己係貪啲OT錢。我有段時間人工幾近可以甚至超越『一拖二』（總警司）嘅月薪。」

「警察唔係咁做…….英國人用一個半世紀建立一支亞洲最佳警隊，而家一舖清袋。」Ben無奈的嘆一口氣道。

●警隊存不良文化　下屬持老賣老無法駕馭

Ben透露警隊有著多年來一直存在的不良文化，只是在反修例事件中原形畢露。而「學歷差異」更是令很多上級和下級出現各式各樣的矛盾。

他指出，很多前線警員為獲得更好的事業發展機會，會出盡全力討好上司，以博取升職機會，「你喺街見到有啲警車日光日白無啦啦閃燈但又冇聲，唔好以為有咩大獲嘢。你可能轉幾個街口就見到有人落車行去餐廳拎外賣。」就係要刷上司鞋埋堆。

Ben表示，由於近年愈來愈多高學歷人士直接考入督察級，導致警隊內部出現一定程度的矛盾。

因為甫入警隊就比已有10到20多年經驗的「老差骨」薪金為高，故一些低級警員對此感到不滿，抱着一副妒忌和不滿的心態處事。

他坦言，自己在防暴隊中是較欠缺經驗的督察，經常要依賴有經驗的下屬警員協助，故對他們管理相對寬鬆。

但就經常會出現不受控制的情況，做出一些完全莫視守則的行為，「我有大聲公都控制唔到。可能無啦啦沖咗出去追示威者，然後落單又唔知自己喺邊。或者比市民鬧兩三句，就忍唔住爆粗鬧返人，甚至可能出椒去發泄。」

被問及為何不能處理紀律敗壞的下級警員。作為指揮官的Ben表示，前線要服從上級指令。如果有不聽從指示違規，應要進行相應處分。

但他明言，示威規模空前巨大 ，全港各區「開花」。由於各區人手不足，很多指揮官擔心處分會導致無人願意上前線，紛紛對違規警員視而不見，變相默許他們對市民和示威者的做法，「班前線覺得原來咁樣做無後果，越嚟越癲。後尾就完全失晒控，仲可以明目長膽同指揮官嘈交，根本就惡性循環。」

Ben提到西灣河的開槍事件。他批評開槍的男交通警長完全違反警例，在學堂教的是當你用武力可以適當控制目標時，就要停止再使用武力，「本身已經控制咗個場面。對面只係幾個戴口罩手無寸鐵嘅年青人。其中一個已經舉起雙手示意冇武器，你就抆支槍出嚟，仲要槍口貼住人心口。乜人哋係季炳雄？葉繼歡？拎住AK47？最後搞到其中一個細路年紀輕輕就無咗個腎，終生有後遺症。你自己都有仔女，咁樣對個後生仔？」

●好友盡失　公義無價

社會紛擾不斷、親友關係撕裂，是近年香港人的共同煩惱。Ben離職後，到今日只餘一個警隊好友仍有聯絡，「佢都係黃，但有個前妻要比贍養費又要供樓根本辭唔到職，因為出面冇一份工可以媲美到警察嘅人工。我移民前，佢同我食餐Farewell飯都要靜雞雞上我屋企食，驚比其他人知道會排擠佢。好唔開心…」

Ben在辭職後曾數次走上街頭參與示威遊行，包括港島反國安法遊行，與昔日同袍於示威現場相逢對峙。

面對昔日同袍淪為陌路人，Ben選擇站在公義一邊，也甘願承受一切後果，包括跟眾人斷絕來往，「有啲人已經知道我政治取向，因為我Facebook間中會讚好啲新聞，第一次開始無耐就有人unfriend我。或者佢哋好憎我，但更加驚係我會爆晒啲內部極醜惡嘅嘢，是非嘢我就唔想講。但我覺得公義無價，香港嘅好警察都唔會再喺呢個圈子入面，剩低嘅大多數都係利用公權力去滿足私慾嘅人。」

訪問尾聲，被問及會否擔心因披露心路歷程經歷被相熟警察或反共朋友「起底」，兩邊不是人。

他笑帶過：「起我底都無辦法，我預咗有人會知我係邊個。但我唔露面受訪嘅主因係我呀爸，始終佢退休後咬緊『長糧』。但我真係想話比人知，有警察都有良知，但絕大部分都已經離職唔想再去掂呢渾水。我唔係要洗白，我都好深罪孽。但要令個運動成功，總要有不同人嘅參與。」

在英國，Ben也會出席一些港人的示威活動，希望自己可以利用英國的集會自由去為身處香港的人發聲，讓這場抗爭繼續下去，「我每次諗起集會期間，身邊一啲後生仔係因為我有份幫個極權參與鎮壓而造成佢哋要流亡他鄉，個心就好唔舒服。」

「香港警隊已成全亞洲最差警隊。」這是Ben在訪問最後的其中一句。

Fb
https://www.facebook.com/wediahongkong/posts/pfbid03HatLXTNLEXFSuwWxXLAHsPzUEMMmEpwUf7NoMmPbEnLqj98R5cF1Hn8P5mKe4Skl

# 一日黑警, 一世黑警講咁多，不如返黎面對自己有份造成既局面

#黑警沒有一個是無辜

#黃既坐監 藍既移民 ,起佢底，send 去英國相關部門