香港政府宣布取消10月1號國慶煙花匯演

近日反逃犯條例示威活動頻繁舉行，政府宣布考慮到公眾安全，將取消10月1號嘅國慶煙花匯演。

康文署今日下午宣布，鑑於當前情況，原定喺10月1號晚喺維多利亞港舉行嘅國慶煙花匯演將會取消。

今次亦係1997年回歸22年以嚟，第三次取消國慶煙花匯演。

2013年因為係2012年發生嘅南丫海難一周年，國慶煙花匯演首次取消。2014年嘅雨傘革命亦取消過煙花匯演。

今年係中華人民共和國成立70周年，不過就因為反逃犯條例示威而第3次取消國慶煙花匯演。